Sergio Ramos ត្រូវបានគេដឹងថា កំពុងបង្កើតទំនាក់ទំនងល្អជាបណ្តើរៗហើយជាមួយ Lionel Messi ដែលជាមិត្តរួមក្រុមថ្មី ដ្បិតបើអតីតកាលពួកគេធ្លាប់ជាគូប្រជែង ប៉ះទង្គិ.ចគ្នារាប់ភ្លេចលើទីលានប្រកួតក៏ដោយ។
ការមកដល់របស់ M10 សារនេះ កីឡាករអេស្ប៉ាញបាននិយាយតាំងពីទទួលដំណឹងថ្មីថ្មោង អំពីការស្វាគមន៍និងការកោតសរសើរមួយចំនួន ហើយកន្លងទៅនេះ ថែមទាំងមានរបាយការណ៍ចុះផ្សាយមកថា ខ្សែការពារដែលធ្លាប់លេងឲ្យក្លឹប Real Madrid ថែមទាំងហៅប្រពន្ធកូន Messi ឲ្យមករស់នៅផ្ទះរបស់ខ្លួនជាបណ្តោះអា.សន្នទៀតផង។
ជាការពិត បុរសវ័យ ៣៤ ឆ្នាំទើបតែមកដល់ទីក្រុងប៉ារីសប៉ុន្មានថ្ងៃទេ ហើយលោកក៏គ្មានគម្រោងទុកមុនច្រើនខែនោះដែរ ដូច្នេះការទិញនៅផ្ទះដ៏សមរម្យនិងមានផាសុកភាពមួយរស់នៅក៏ត្រូវការពេលវេលាបន្តិច។ យ៉ាងណាគេដឹងថា បច្ចុប្បន្ន Messi កំពុងស្នាក់នៅសណ្ឋាគារជាមួយប្រពន្ធកូន មិនទាន់រកបានផ្ទះច្បាស់លាស់នោះទេ។
តាមការចុះផ្សាយរបស់ El Pais បានសម្រង់សម្តីរបស់ Ramos និយាយទៅកាន់ Messi ដូច្នោះថា៖ “ប្រសិនអ្នក ជាមួយនឹងគ្រួសារ ចង់មកស្នាក់នៅផ្ទះខ្ញុំសិនក៏បាន បើមិនចង់ទៅស្នាក់នៅសណ្ឋាគារ”។ សម្តីមួយឃ្លានេះ បានធ្វើឲ្យអ្នកគាំទ្រ PSG ចាប់អារម្មណ៍ជាខ្លាំង ហើយគ្រប់គ្នាកំពុងបន្ថែមក្តីស្រមៃរបស់ខ្លួន អំពីការចង់ឈ្នះពានរង្វាន់ Champions League នៅឆ្នាំក្រោយ ២០២២៕
